د زبورونو کتاب

یوسلو پنځوسم زبور

د څښتن ثنا او صفت وکړئ

۱ وکړئ ثنا او صفت د څښتن

وکړئ ثنا او صفت د خدای

د هغه سپېڅلي ځای کې

په اسمانونو کې وکړئ ثنا او صفت د هغه

چې قوي یې ده کلا

۲ وکړئ ثنا او صفت د هغه

د هغه د عجیبه کارونو په خاطر

ثنا او صفت وکړئ د هغه د بې‌شانه لویۍ

۳ ثنا او صفت د هغه وکړئ د سرنیو په اواز

ثنا او صفت د هغه وکړئ په چنګونو او ربابونو

۴ د هغه ثنا او صفت وکړئ په چمبو او ګډاګانو

د هغه ثنا او صفت وکړئ په رباب او شپېلۍ وهلو

۵ د هغه ثنا او صفت وکړئ د زنګونو په وهلو

د هغه ثنا او صفت وکړئ د زنګونو په شرنګولو

۶ ټولو ژوندیو مخلوقاتو

د څښتن ثنا او صفت
وکړئ ثنا او صفت د څښتن