د زبورونو کتاب

یوسلو شپږویشتم زبور

۱ کله چې بېرته څښتن راوستلو مونږه

اورشلیم ته له اسارته څخه

معلومېده داسې چې مونږ لیدلی دی کوم خوب

۲ څومره وخندل مونږ

او مونږ ووهلې چیغې د خوشحالۍ نه

بیا داسې وویل نورو قومونو زمونږ په هکله

څه عجیبه کارونه وکړل څښتن هغوی ته

۳ په رښتیا چې څښتن وکړل مونږ ته عجیبه کارونه

څومره خوشحاله وو مونږ

۴ مونږه څښتنه یوځل بیا خوشبخت کړه

لکه باران چې بېرته راولي اوبه وچو سیندونو ته

۵ څوک چې په خپلو اوښکو کښت کوي

هغه به لو کاندي د خوشحالۍ په چیغو

۶ څوک چې وځي په ژړا دباندې

او هغه وړي تخم د کښت دپاره

بېرته به راوړي خپل حاصل د خوشحالۍ په چیغو

مخکینۍ څپرکۍ بل څپرکۍ