د زبورونو کتاب

یوسلو یوویشتم زبور

۱ سترګې نیولې مې دي غرونو ته

ما ته له کوم ځایه به مرسته راځي؟

۲ ما سره کیږي مرسته د څښتن له خوا نه

چا چې جوړ کړي اسمان او ځمکه

۳ تا به پرېنږدي چې وښویېږې

بېداره پاتې کیږي ستا ساتونکی

۴ په رښتیا څوک چې ساتونکی دی د اسراییلو

پاتې کیږي بېدار او نه ویده کیږي

۵ څښتن ساتونکی دی ستا

څښتن د سیوري په شان تا سره دی

۶ نه به لمر رسوي تا ته کوم زیان د ورځې

او نه سپوږمۍ په شپه کې

۷ تا به څښتن له هر ضرره ساتي

او تا به خوندي ساتي

۸ په تلو راتللو کې به دې ساتي څښتن

له همدا‌اوس نه تر ابده پورې

فصل قبلی فصل بعدی