چاپرښته ۲۰۲۴ - ۲۰۱۵ پښتو بائبلونه ﺍﻭ څ.ب.اِس ﺍﻭ یو.ب.اِس
۱ خُدائ پاک ته د خوشحالۍ حمدونه ووايئ څوک چې زمونږ زور دے،
د يعقوب پاک خُدائ ته سندرې ووايئ
۲ سازونه وغږوئ او تمبل ووهئ،
د رباب او سريندې سازونه وغږوئ.
۳ د نوې مياشتې په ليدو سره بيګل ووهئ،
او زمونږ د اختر د ورځې په راتلو سره کله چې سپوږمۍ پوره وى.
۴ دا د بنى اِسرائيلو دپاره اصُول دے،
او د يعقوب د خُدائ پاک قانون دے.
۵ هغۀ د يوسف دپاره يو قانون جوړ کړو،
چې کله هغه د مِصر په خلاف راووتو.
چرته چې مونږ نا آشنا آواز واورېدلو چې پرې نۀ پوهېدلو.
۶ هغه وائى چې، ”ما درله د اوږو نه بوج اخوا کړو،
ما ستا لاسونه د دروند بوج نه آزاد کړل.
۷ تاسو چې په سخته کښې نعرې وکړى نو ما تاسو بچ کړئ،
ما درله د تندر د وريځو نه جواب درکړو.
کله چې په مريبه کښې اوبۀ نۀ وې ما ستاسو ايمان وآزمائيلو.
۸ زما غوره شوو خلقو ما ته غوږ ونيسئ تاسو ته خبردارے درکوم،
کاش چې تاسو اے بنى اِسرائيلو، ما ته پام وکړئ.
۹ ستاسو په مينځ کښې دې غېر معبودان نۀ وى.
تاسو چرى هم بل معبود ته سجده ونۀ کړئ.
۱۰ زۀ مالِک خُدائ، ستاسو خُدائ پاک يم،
چا چې تاسو د مِصر نه بهر راوويستئ.
خپلې خولې خلاصې کړئ نو زۀ به تاسو له خوراک درکړم.
۱۱ خو زما خلق به زما خبره نۀ اورى،
بنى اِسرائيل به زما تابعدارى نۀ کوى.
۱۲ نو ځکه ما هغوئ د دوئ د سخت زړۀ عملونو ته حواله کړل،
ترڅو چې د خپلو زړونو خواهشونه پوره کړى.
۱۳ کاش چې زما خلق ما ته غوږ ونيسى،
او کۀ چرې بنى اِسرائيل زما په نقش قدم لاړ شى،
۱۴ نو څومره زر به بيا ما د دوئ دشمنان تباه کړى وے،
او د دوئ د دشمنانو خلاف به ما خپل لاس اوچت کړے وے.
۱۵ څوک چې مالِک خُدائ سره کينه لرى
د هغۀ په وړاندې به د يرې نه په رپېدو پرېوځى،
د هغوئ سزا به د تل دپاره وى.
۱۶ خو تاسو ته به د ښو غنمو خوراک درکړم،
او تا به د صحرا په شاتو باندې موړ کړم.“